AGUSTUSAN
KI S. WS.
merahputih nu kiwari mumbul
dirangkul ku langit paul
baheula kungsi ngelebet
dina tungtung bayonet
katut peujit murilit
harita
sagala-gala walatra
walatra pait-peuheurna
walatra renghap-ranjugna
walatra pati-huripna
taya nu medengkreng nulak cangkeng
taya nu paseukeut-seukeut sihung
taya nu kadedemes mangpang-meungpeung
poe ieu paragpag gapura
bangun nu paheula-heula nanya
ayeuna andika rek ka marana ?
Ciamis, 170876
|
NAMA ANDA
MASUKKAN TOMBOL TWEET DISINI |
|